Татарстан Республикасы авыл хуҗалыгы министрлыгы мәгълүматларына караганда, сөт җитештерү һәм сату буенча Әтнә районы ышанычлы төстә беренче урында баруын дәвам итә.
Районда һәр сыердан тәүлегенә уртача 17,3 килограмм сөт савалар. Икенче күрсәткечкә ия булган Сабада - 16,2 килограмм. Ә республика буенча уртача 11,2 килограмм тәшкил итә.
Тагын бер куанычлы күрсәткеч - без алдагы елга карата 12,2 тонна сөтне артык сатабыз. Республикада 100 тоннага якын кимегән вакытта бу!
Иң мөһим һәм кызыклы язмаларны Татмедиа Telegram-каналында укыгыз
