Бездә дә шулай булмагае

Казанда автомобиль парковкасы катлаулы проблемага әйләнеп ята. Аны түләүле парковкалар ярдәмендә җиңеләйтергә уйлыйлар. Паркоматта яки sms-хәбәр, яисә, дәүләт хезмәтләре порталы аша түләргә мөмкин булачак. Бу хакта күп язылды инде. Әле тагын бер проблема бар - ул төнгә машинаны парковкада калдыру белән бәйле. Япония һәм кайбер Европа шәһәрләрендә аннан котылуның сәер булса да, эффектлы юлын тапканнар. Бу ысул турында Мәскәү шәһәре администрациясе дә уйлана. Тиздән бу өлкәдә берничә ысул тәкъдим итәргә җыеналар. Ә бу ысулның нигезе бик гади - күпкатлы йортларда югарыга күтәрә торган ярымавтомат парковкалар урнаштырырга ниятлиләр.