Әтнәләр дә катнашты

Казан Федераль университетында яшьләр арасында терроризм һәм экстремизм идеяләре таралуга каршы көрәш ысулларына багышланган Бөтенроссия фәнни-гамәли конфренеция узды. Әлеге чараларда безнең районның мәгариф, мәдәният һәм спорт бүлекләреннән вәкилләр катнашты.

«Татаинформ»нан алынган мәгълүматлар буенча, фикер алышулар вакытында "Яшьләрнең экстремис­тик агымнарга иярүе - бик күп факторларга бәйле катлау­лы күренеш. Ул белем җитмәү, җәмгыятьнең аларга карата тискәре карашы, эшсезлек, башка социаль мәсьәләләрнең хәл ителмәве, ислам дине турында объектив белем алуга мөмкинлекләр тудырылмау һәм башка сәбәпләрне колачларга мөмкин. Яшьләр үзләрен кайдадыр бик тиз генә күрсәтергә тырыша. Бу - аларга хас максимализм чагылышы", - дигән РИИ ректоры Рәфыйк Мөхәмәтшин.