Бик тәмле, йомшак өчпочмак

Камыр өчен, 1 стакан кефир, 6 аш калагы көнбагыш мае, тоз, чеметеп кенә чәй содасы, он салып камырны басабыз, ярты сәгать чамасы ял иттерәбез. Эчлек ясыйбыз: бәрәңге әзерләгәнче ит турыйбыз һәм шуңа вак итеп туралган суган, тоз, борыч сибеп азрак тотабыз. Бәрәңгене турап, итле суганны салып болгатабыз. Камырыбызны вак кисәкләргә бүлеп җәябез, эчлекне салып матур итеп бөреп ,майлы табага тезәбез, кызган мичкә куеп 40-45 минутта пешереп алабыз. Өстен майлап кайнар килеш табынга бирәбез.