Боз сарае быел да булачак

Яңа ел алдыннан дәррәү кубып эшли торган эшебез бар: боз сарае төзибез. Моны һәркем үзенчә кабул итә, үзенчә фикер йөртә, кемдер кирәксенми дә, ә төзеп куйгач барыбыз да ял итәргә шунда барабыз, чөнки матур. Аннан соң тагын кайда шулай таудан шуып була әле. Быел да төзелә боз сарае. "8 декабрьдә эшли башлыйбыз. Быел азрак үзгә булачак. Бозның калынлыгын үлчәп кайттым -30 см. Бөтенесен әйтеп бетермик, сере дә калсын. Матур булачак", - ди мәдәният мөдире Азат Хәйретдинов.