Бәрәскә мәктәбендә укучылар укытучылар белән ярыша

Бәрәскә мәктәбе сайтында "Мәктәбебездә укытучылар һәм укучылар арасында узучы мәктәп спартакиадасының чираттагысы үтте", дигән хәбәр күзгә чалынды. Бу хакта мәктәп директорының укыту-тәрбия эшләре буенча урынбасары Гөлсинә Шәрәфиевадан сораштык.

Укытучылар белән укучылар арасында спорт ярышлары уздыру монда матур бер традициягә кереп бара икән. Күптән түгел район мәктәпләре арасында теннис бәйгесе үтте, анда Бәрәскә мәктәбе командасы уңышлы чыгыш ясады. Ә аңарчы мәктәптә менә шушындый спартакиада ярышы узган. Ә монысы волейбол буенча булган. Укучылар гына түгел, укытучылар өчен дә зур тренировка булган ул.