Бәрәскәдә шорт-трек бәйгесе узды

Бүген Түбән Бәрәскә авыл җирлегендә ике авылның мәктәп укучылары арасында шорт-трек бәйгесе узды. Буласын, шартларын язган идек, укыдыгыз инде. Бу бәйгедә чыгарылыш сыйныф укучыларыннан калганнар ярышты.

Авыл җирлеге оештырган бу бәйгене карарга мәктәп укучылары гына түгел, авыл җирлегенә керүче авыллардан да килгәннәр иде. Тирләп-пешеп ярышучыларны (ә көне нинди бит әле!) мактап, җиңүчеләр - Айзилә Шакирова, Алия Баһавиева, Айзат Хәйруллин, Данис Закировка авыл җирлеге башлыгы Аида Фатыйхова бүләкләр тапшырды. Мәктәп укучыларының яшәешен мавыктыргыч итүнең бер дигән ысулы инде бу!