Әтнә таңы

Әтнә районы

Җәмгыять

Бәрәзәгә мәдхия

Күз тимәсен Олы Бәрәзәгә, Күтәрелде муллык, дәрәҗәгә.

Тыныч кына эшләп, яшәп ята,

Аю килми хәзер тәрәзәгә.

Эш яраткан авылымны мактап

Шигырь язу миңа зур дәрәҗә;

Мәрхәмәттән Ходай ташламасын,

Әтнә чиге - Олы Бәрәзә.

Алат - Нугай тавы текә, тайгак,

Көчкә менгән парлы атлар да.

Казан алынгач та канлы көрәш

Тукталмаган безнең якларда.

"Бәрәзә" дип исем кушкан, имеш,

Җиде буын Кадыйр бабабыз.

Урман, Ашыт, болын, басулары -

Оҗмах рәвеше кебек, карагыз!

Ашыт тулы чуртан. Әртил булып

Унар кеше сазан сөзгәннәр.

Ат арбасы тулы балык төяп

Бәрәзәгә кайтып кергәннәр.

Тирә-ягын күлләр чорнап алган,

Бай болыны, сазда - карлыган.

Иң шәп җирләр - бездә, Бәрәзәдә,

Безнең басулар күк кемдә бар?

Гидай гына йортсыз-җирсез кала,

Шул хәлләргә төшмә, Бәрәзә!

Бирмә беркемгә дә бер карыш җир! -

Шунда булыр муллык, дәрәҗә.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев