Бәйрәм тиз тәмамланган

Әтнә-Дубьяз-Казан юлының 40нчы километрында юл һәлакәте теркәлде. Исерек килеш машина белән идарә итүче шофер каршы як юлга чыга, нәтиҗәдә каршысына килгән машинага бәрелә. Бер кеше тән җәрәхәте алды. Һәлакәт тудырган шоферга 10 тәүлек арест бирелде. Шул ук көнне кичке якта ЮХИДИ инспекторлары тарафыннан шоферлар көнен бәйрәм итүче яшьләр тоткарланган. "Аларның үзләрен өйләренә кайтарып җибәрергә, ә машинаны штраф стоянкага озатырга туры килде", - ди ЮХИДИ инспекторы Фәнил Муллагалиев.