Әтнә таңы

Әтнә районы

Җәмгыять

“Әтнә чистара, Аллага шөкер...”

Соңгы вакытта менә шулай сөенәбез. Зиратыбызга керә торган түгел, чытырман иде. Барыбыз да борчылдык, тик оешып тотына алмадык, аннан чистартып карадык, калганы калды. Урамнар бер хәл, су буйлары котчыккыч хәлгә төште. Бөтен чүп-чар шунда күчте, тиеш түгеллекне белсәк тә берәү дә килеп чистартмады. Менә шуларны район башлыгы Габделәхәт Гыйлемхан улы...

Соңгы вакытта менә шулай сөенәбез.
Зиратыбызга керә торган түгел, чытырман иде. Барыбыз да борчылдык, тик оешып тотына алмадык, аннан чистартып карадык, калганы калды. Урамнар бер хәл, су буйлары котчыккыч хәлгә төште. Бөтен чүп-чар шунда күчте, тиеш түгеллекне белсәк тә берәү дә килеп чистартмады. Менә шуларны район башлыгы Габделәхәт Гыйлемхан улы Хәкимов катнашында хәл итәрлек дәрәҗәдә түбән төштек. Бөтен оешма җитәкчеләрен хакимият бинасына җыеп сөйләшүнең нәтиҗәсе күз алдында. Оештык, оештырдылар, урыны белән ачуландылар, урыны белән кисәттеләр, административ ко­миссия әгъзалары штрафын да салдылар, чыккан акча кергән түгел, айныта, ни­һаять үзебез яши­се җир икәнен аңладык.
Зиратларыбыз чис­тар­ды, эшлисе эш тә җитәрлек. Урамнарга игътибар итәсездер, капка аллары матурланды, дөрес үстергән чәчәкләр юк инде, әрек­мән-кычытканнар да кү­ренми. Совет урамы белән параллель урнаштырылган су ага торган лотокларга караганыгыз булдымы, балчык белән тулып үлән үсә башлаган иде. Менә шул үләннәр оешма хезмәткәрләре тарафыннан кырып алынды, "Тукай" хуҗалыгы тракторларына төяп түгелде. "Музейдан Казанга китә торган чат башына кадәргесен генә чистартасы калды, әле көн явымлы булгач тукталып тора", - ди авыл җирлеге башкарма комитеты җитәкчесе Илнур Мөхәммәтшин. "Улаклар чистаргач, су да ага башлады, элек бу су кая китеп барды икән? Асфальт юл кырыендагы бордюрга терәлеп җыйналган балчыкларны да кырдырып чистартсалар, болай асфальт юлны тарайтып торалар", - дип туктап карый узып йөрүчеләр.
Иң сөендергәне: авылны икегә бүлеп аккан елга ярларын, су буйларын күрәсездер, күзгә күренеп чистардылар. Агачлары да киселде, чүпләре дә түгелде. "Тимерче күперенә кадәрге өлешен җыеш­тырдык. Техникум ның укыту бүлеге, Олы Әтнә урта мәктәбе коллективы хезмәткәрләре, укучылары зур эш башкардылар. Элемтә бүлеге дә чыгасы, эшлисе җирләр бетмәде әле, менә шулай бергәләп эшләрбез дип торабыз. Кемгә әйтсәк тә каршы килмәделәр, эш­ләрен көйләп, вакыт табып чистарту эшенә кат­наштылар, без аларга бик рәхмәтле. Әкренләп тәр­типкә салабыз, Кече Әтнә, Шәкәнәч, Яңа Әтнә авылларында да чисталык урнашып килә. Юк­ка гына борынгылар, күмәк эш тау күчерә, дип әйтмәгән икән. Калганын да бергәләп эшләп бетерергә язсын, үзебез өчен бит", - дип эшләүчеләргә рәхмәтен дә җиткерде Илнур Илдар улы Мөхәммәтшин. Аңа өстәп авыл халкының да рәхмәтен кабул итегез.
Карарга рәхәт, күзләр ял итә, матур бит безнең авыл. Чиста гына тотасы калды, ә анысына барыбызга да өйрәнәсе бар әле...

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев