Дәүләт Думасы карантинны бозган өчен җинаять җаваплылыгы турында закон кабул итте

 Дәүләт Думасы карантинны бозган өчен җинаять җаваплылыгы турында закон проектын өченче укылышта кабул итте. Бу хакта РИА Новости хәбәр итә.

Документ инициаторлары — Дәүләт төзелеше комитеты башлыгы Павел Крашенинников һәм түбән палата рәисе Вячеслав Володин.

«Яңа закон проекты нигезендә, санитар-эпидемиология кагыйдәләрен бозучыларга 500 меңнән алып миллион сумга кадәр штраф каралган. Шулай ук өч елга кадәр һөнәргә хокуктан яисә шул ук вакытка ирекләреннән мәхрүм итү яный» диелгән хәбәрдә.

Чыганак: https://tatar-inform.tatar/news/society/31-03-2020/d-l-t-dumasy-karantinny-bozgan-chen-inayat-avaplylygy-turynda-zakon-kabul-itte

С.Мингатина фотосында - Олы Әтнә авылы