Дональд Трамп чыгышы - "Әтнә таңы"

Америка Кушма Штатларында хакимият демократлардан республикачыларга күчә. Рәсми мәгълүматлар игълан ителмәсә дә, демократ Хиллари Клинтон үзенең көндәше Дональд Трампны җиңү белән котларга өлгергән инде.

Республикачы Дональд Трамп АКШның 45нче Президенты дияргә мөмкин. Күпләр 70 яшьлек миллиардер җиңеп чыгар дип уйламаган иде. Җиңү чыгышында ул барлык америкалылар өчен дә уртак Президент булачагын ассызыклады. Гражданнарга икътисади үсеш вәгъдә итте. Әгәр дә мәнфәгатьләргә каршы килмәсә, барлык илләр белән дә хезмәттәшлек итәргә әзер торуын белдерде.