Эшсезлек буенча пособиегә өстәмә рәвештә балалы россиялеләргә 3 мең сум түләячәкләр

(Казан, 9 сентябрь, «Татар-информ»). РФ Хөкүмәте 18 яшьтән кечерәк балалары булган ата-аналарга эшсезлек буенча пособиегә өстәмә рәвештә 3 мең сум акча түләячәк. Тиешле карарны РФ Премьер-министры Михаил Мишустин имзалады.

Моның өчен бюджеттан 8,5 млрд сум бүлеп биреләчәк. «Хөкүмәт сентябрь аенда балигъ булмаган һәр балага эшсезлек буенча пособиегә өстәп 3 мең сум акча түләргә дигән карар кабул итте. Бу хакта карар имзаланды», — диелә документта.

Түләүләр Covid-19 таралу шартларында өстәмә социаль ярдәм булачак – аны эшсез дип танылган һәм балигъ булмаган балалары булган 2,8 млн граждан алачак.

Чыганак: https://tatar-inform.tatar/news/society/09-09-2020/eshsezlek-buencha-posobieg-st-m-r-vesht-balaly-rossiyalel-rg-3-me-sum-t-l-yach-kl-r-5769837