Этләрне аулау оештырылачак

Авылларда, шул исәптән район үзәгендә дә өере белән йөргән этләр күбәйде. Аларны көндез дә, кичен дә очратырга була.

- 2017 елның декабрь аенда этләрне җыярга ике тапкыр килделәр. Тотканын тота алдылар, тота алмаганнары качты. Сөйләшенде, агымдагы елның гыйнвар аенда урамда йөргән хуҗасыз этләрне җыярга тагын киләчәкләр. Муенында ошейнигы буламы, юкмы, анысына карап тормыйбыз, бу этләр ауланачак. Соңыннан үпкәләп йөрмәгез, этләр бәйдә торырга тиеш, я үзенә ясалган барьерда...- ди Олы Әтнә авыл җирлеге башкарма комитеты җитәкчесе Ренат Мөхәмәдҗанов.