Милли киемгә хөрмәт...

Танышым кечкенәдән кызыксынучан, ниндидер максат куеп шуңа омтылучан булып үсте. Үз тырышлыгы белән Казан университетында укып, фән белән бәйле яхшы эшкә урнашты. Тик чынбарлык белән теләк тәңгәл килеп бетми шул. Танышым да барыбызны шаккаттырып эштән чыкты да, тегүче һөнәрен үзләштерергә теләп техникумга укырга керде. Өендә мөселман күлмәк, костюмнары тегә башлады ул. Шуның белән үз кирәк-яракларын гына түгел, зуррак чыгымнарны да каплый башлады. Баш-аяк шул өлкәгә чумып ята.

Аның бу эше күләмле эшмәкәрлеккә әйләнер дип уйлыйбыз. Татарстанда Милли кием көнен билгеләргә теләүләрен ишеткәч искә төште ул. Бик кызык һәм күңелле хәбәр - республика депутатлары шундый көн игълан итәргә уйлыйлар.