Алдагы тракторны күргәч тә гаҗәпләндем: шул кадәр охшаса да охшар икән! Тәрәзәгә "стеклоочиститель"гә кадәр ясап куйганнар. Үзләре дә: "Пускач бавы гына юк", - дип көлешәләр.

Шунда ук Әтәчне ясап бетереп яталар иде, анысы трактор артында ук була. Горур кыяфәтле, кикрикләре бик мул күренде. Ә техникумга керер алдыннан гына Кыш бабай белән Кар кызы каршы ала. Кар эреп беткәнче студентларны мөлаем йөзләре белән каршы алып, өйләренә озатачак болар... Матурлык бит! Бу матурлыкны тудырган студент егетләргә афәрин!