Гүзәл Уразова Әтнә чүлмәген ваткан

Сабантуйларга артист халкын чакырту гадәти хәлгә әйләнеп калып бара. Быел да Әтнә якларына күпләп кайтты алар. Бу турыда газетага язган идек инде. Ә менә Бәрәскә сабантуена Гүзәл Уразова белән Илдар Хәкимов кайтты. Гүзәлнең әбисе Әтнә якларыннан икәнен күпләрегез белмидер дә әле. Бу турыда ул безнең якларга концерт белән килгәч сөйләгән иде. Ә менә сабантуена карата җырчының үз фикере. "Сабан туе бәйрәмен бик яратам, һәр җирдә җылы кабул итәләр. Бәрәскә авылында, мәсәлән, үзем дә ярышларда катнаштым. Мин чүлмәк ватып, көянтә-чиләк белән су ташып, ә Илдар капчык сугышында катнашып бүләкләр оттык. Бүләккә халат, балалар күлмәге, бер ир-ат күлмәге һәм Сабан туе яулыклары эләкте", - диде җырчы.