Әтнә районы укучысының хушлашу сүзе

Нигә соң син, тормыш, төпсез диңгез?

Ә дигәнче чорнап аласың.

Яшьнәп торган көчле яшәүчене

Тар гүрләргә илтеп саласың.

Равил абый, иртә иде әле...

Иртә түгел, артык иртәрәк.

Ул дөньяга сездәй көчле рухлы

Ир-атлар шул кирәк күбрәк.

Ике кызыгыз калды бит әтисез,

Алия апа ничекләр чыдар.

Динле, көчле рухлы хатын

Сабырлыкны Ходайдан сорар.

Гадел булдыгыз сез һәркем өчен,

Дөреслекне сөя идегез.

Идегез дип язып уйга калам...

Оҗмаһ түрләрендә инде сез.

Авыр туфрагыгыз булсын җиңел,

Каберегездән нурлар сибелсен.

Кылган игелегегез, изгелегегез

Дога булып барып ирешсен.