Инвалидлыкны чикләнмәгән вакытка озайткан өчен ришвәт алучы 2 хезмәткәр җавап тотачак
Хатын-кызларның икесенә дә 22 нче мартка кадәр өй аресты салынган. (Казан, 24 гыйнвар, "Татар-информ"). Россия Тикшерү комитетының Татарстан буенча тикшерү органнары медицина регистраторы - 52 яшьлек Елена Фуражкинага карата җинаять эше кузгаткан. Ул Җинаять кодексының 290 нчы маддәсенең 5 нче бүлеге (ришвәт алу) буенча җинаять кылуда шикләнелә. Шулай ук, Татарстан...
Хатын-кызларның икесенә дә 22 нче мартка кадәр өй аресты салынган.
(Казан, 24 гыйнвар, "Татар-информ"). Россия Тикшерү комитетының Татарстан буенча тикшерү органнары медицина регистраторы - 52 яшьлек Елена Фуражкинага карата җинаять эше кузгаткан. Ул Җинаять кодексының 290 нчы маддәсенең 5 нче бүлеге (ришвәт алу) буенча җинаять кылуда шикләнелә.
Шулай ук, Татарстан Республикасы буенча Медицина-социаль экспертизасы баш бюросының 1 нче бюро җитәкчесе 53 яшьлек Елена Румбештаның да әлеге җинаятькә катнашы бар, дип фаразлана.
Тикшерү версиясе буенча, 2018 елның 19 һәм 22 нче гыйнварында, Фуражкина Казанда яшәүче ханымнан ире өчен 3 нче группа инвалидлыкны чикләнмәгән вакытка законсыз рәсмиләштерү өчен, 80 мең сум акча ала. Аннан соң 70 мең сумын Фуражкина Румбештага тапшыра, ә калганын үзенә калдыра.
Җинаять кылуга катнашын хатын-кызлар икесе дә таныган. Суд аларның икесенә дә 22 нче мартка кадәр өй аресты билгеләгән, дип хәбәр итә Россия Тикшерү комитеты Татарстан буенча идарәсе җитәкчесенең өлкән ярдәмчесе.
Следите за самым важным и интересным в Telegram-каналеТатмедиа
Нет комментариев