Әтнә таңы

Ә иртәгә инде берни калмас...

Кичә. Бүген. Иртәгә Иртәгәгә чапкан дөнья сулый Кичәгедән калган һаваны. Кичә чыгып, кичә баткан кояш Җылытырмы төксе гавамны?.. Булган, беткән, җилгә очканнарның Итәгенә ансат ябышып, Үзебезнең җиңү диеп белдек Үткән дәверләрнең табышын. Тупырдаган тояк тавышлары - Кайтаваз ул җилдә адашкан! Кылыч чыңы - куәт түгел! Түгел! Бәхиллек ул соңгы алыштан!...

Реклама

Кичә. Бүген. Иртәгә

Иртәгәгә чапкан дөнья сулый
Кичәгедән калган һаваны.
Кичә чыгып, кичә баткан кояш
Җылытырмы төксе гавамны?..

Булган, беткән, җилгә очканнарның
Итәгенә ансат ябышып,
Үзебезнең җиңү диеп белдек
Үткән дәверләрнең табышын.

Тупырдаган тояк тавышлары -
Кайтаваз ул җилдә адашкан!
Кылыч чыңы - куәт түгел! Түгел!
Бәхиллек ул соңгы алыштан!

Бүген бездә - кичәгеләр даны,
Кичәгеләр каны кебек тә...
Уч төбедәй кишәрлектән гайре
Табаннарга ни бар береккән?!

Килеп җитәр кырыс иртәгәләр,
Бүгенгене дәшеп келәмгә,
Исәп алыр. Җан башыннан түгел -
Аңы барны санар берәмләп.

Кичә япкан гамәл дәфтәрләре
Бүгенгегә дәлил түгел лә!
Ә иртәгә инде берни калмас -
Кәфен калмас безне төрергә...

Берни калмас, бүген йоккан хаста
Сүз калдырмас бөек дастанда...
Каһарман вә дошман эзләп йөреп,
Кичә баткан кояш астында...
12.12.2017.
Гөлүсә Батталова

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: