"Җитди сәбәпләр булмаса - юлга чыга күрмәгез!"

Эчке эшләр бүлегенең ЮХИДИ бүлекчәсе җитәкчесе Рифат Нурмехәмәтов район машина йөртүчеләренә әнә шулай дип мөрәҗәгать итә. - Юлларда күз күреме начар, буран, кар көртләре. Синоптиклар мондый һава торышының иртәгә кадәр шулай булачагы турында кисәтә. Юл читен күрмичә, дамба астына төшеп китүчеләр дә байтак. Ярый юлларда кардан чистартучы транспорт йөреп тора. Алар һәрчак ярдәмгә әзер. Шуңа да, бик кирәк булмаганда, өйдә калу кулайрак булыр. Инде юлга чыгарга туры килә икән, зинһар, игътибарлы, бүтән йөртүчеләргә карата ихтирамлы булыгыз.