Әтнә таңы

Әтнә районы

Җәмгыять

Каенсарда Ат елын каршы алдылар

Авылда Яңа ел чарасы 29 декабрь көнне үк үтте. Быелгысы үзенчәлекле булды. Ат елын балалар гына түгел, ветераннар да сәхнәгә менеп, җырлап-биеп каршыладылар. Кичә балаларның Кыш бабай белән Кар кызын, соңрак Яңа елны - 3 яшьлек кыз баланы сәхнә түренә чакыруы белән башланды. Самими балачак: оялу да, каушау да юк...

Авылда Яңа ел чарасы 29 декабрь көнне үк үтте.
Быелгысы үзенчәлекле булды. Ат елын балалар гына түгел, ветераннар да сәхнәгә менеп, җырлап-биеп каршыладылар. Кичә балаларның Кыш бабай белән Кар кызын, соңрак Яңа елны - 3 яшьлек кыз баланы сәхнә түренә чакыруы белән башланды. Самими балачак: оялу да, каушау да юк үзләрендә. Ир-малайларның бергә чыгып биюен, аерым биюләрне, барысы бергә җырлауларын күреп хозурландык... Шунда Кыш бабай ветераннарның да килүен ишетүе хакында әйтеп, аларны күрергә, ишетергә теләвен җиткерде. Ә ветераннар ялындыра торганнардан түгел. Рәхәтләнеп җырладылар, күңел ачтылар.
Клуб мөдире Люция Абдуллина Ат елында туган авылдашларны да онытмаган. Һәрберсен сәхнәгә дәшеп, бүләкләде. Алар да үз чиратында тамашачыга матур җыр-бию һәм шигырьләр бүләк иттеләр. Монда мулла абзый да, яше сиксәнне узган бабай да җыр суздылар.
Соңыннан лотерея уены да узды. Кыскасы, бик күңелле булды. Ә авылдашлар шундый матур бәйрәм оештырган клуб җитәкчесенә рәхмәт әйтеп таралыштылар.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: чара