“Кайнар коймак, чәй, музыка...бәйрәм бүген”– “Әтнә таңы”

- 13 нче сентябрьне көтеп алдык, безнең авылда бәйрәм була ул көнне, барыбыз да сайлау участокларына килә, бездә халык актив, гражданлык бурычын һәркем үти... Шуңа өстәп бәйрәм табыны да әзерләнә, коймакны тәмле пешерәләр бездә - Ары, Күәм авылларында әнә шулай сөйләште ул көнне халык.

-Иртәдән, бөтен авылны яңгыратып, музыка уйный иде инде. Халык агымына ияреп, сайлап кайттым. Бар кешенең күңеле күтәренке. Кайнар коймак, чәйдән авыз иттем. Табыннар мул, печенье прәннеге дә бар. Бар кешенең тамагы тук булса да, хөрмәт күрсәтүләре күңелле. Өлкәннәрнең дә күңеле күтәренке, 100 дэн артык кеше сайлады инде...,- дип хәбәр итте Ары авылында яшәүче хәбәрчебез Фидаил Кадимов.