Казанда автобуслар бәрелешкән

Мәскәү урамында "37"нче маршрут автобусы "35А"ны куып җитеп төрттергән. Яхшы төрттергән, ике пассажир җәрәхәтләр алган.

Казанда маршрут автобусларының берсен икенчесе узып, куыша-куыша чабулары инде гадәти хәлгә әйләнеп бара бугай. Аларны да аңларга була - акча артыннан куалар, җитәкчеләре шундый хәлгә куйды бит. Ә шул автобусларга утырып йөрүче шәһәрнең меңләгән, нинди ул, миллионлаган халкы турында уйлый микән алар?

Бу юлы автобусларның берсендә - 15, икенчесендә 12 пассажир булган. Берсенең аягы җәрәхәтләнгән, икенче бер студент кыз баланың борыны сынган, иренендә гематома һәм җәрәхәтләр, ди.

Бу хакта "АиФ Казан" хәбәр итә. Фото да шушы чыганактан алынды.