Казанда Чебакса күлендә билгесез ир-ат мәете табылган

Коткаручылар аны судан алып, полиция хезмәткәрләренә тапшырган.

(Казан, 14 сентябрь, "Татар-информ"). Казанда Чебакса күлендә ярдан берничә метр ераклыкта билгесез ир-ат мәете табылган. Бу хакта "Татар-информ"га Россия Гадәттән тыш хәлләр министрлыгының Татарстан Республикасы буенча матбугат хезмәтеннән хәбәр иттеләр.

Мәгълүмат бердәм 112 номеры экстрен хезмәтенә кичә көндез алынган. Мәет ярдан берничә метр ераклыкта су өстенә чыккан. Коткаручылар аны судан алып, полиция хезмәткәрләренә тапшырган.

Чыганак: http://tatar-inform.tatar/news/2017/09/14/148258/