Казанда чит ил машинасы, артка чигенгәндә, 72 яшьлек хатын-кызны бәрдергән

Юл-транспорт һәлакәте Татарстан урамындагы 3нче йорт ишегалдында килеп чыккан.

(Казан, 12 сентябрь, "Татар-информ"). Казанда ишегалларның берсендә чит ил машинасы 72 яшьлек хатын-кызны бәрдергән. Бу хакта Россия Эчке эшләр министрлыгының Казан буенча ЮХИДИ матбугат хезмәте хәбәр итә.

Кичә көндез 32 яшьлек "БМВ" мшинасын йөртүче ханым, Татарстан урамындагы 3нче йорт ишегалдында артка чигенгәндә, өлкән яшьтәге хатын-кызны бәрдергән.

Юл-транспорт һәлакәте нәтиҗәсендә 72 яшьлек хатын-кызның баш миенә зыян килгән һәм ул хастаханәгә озатылган.

Чыганак: http://tatar-inform.tatar/news/2017/09/12/148131/