Казанда шәһәрара автобусларны туктатып тордылар

Йөк машиналарын йөртүчеләргә трассага чыкмый торырга киңәш ителә.

(Казан, 5 февраль, "Татар-информ"). Казан зонасы шәһәрара автобусларны чыгармый һәм кабул итми. Бу турыда республика Дәүләт автоинспекциясе хәбәр итә.

Һава шартлары начараю сәбәпле, бүген иртән 7.30 сәгатьтән Казанга таба һәм якын районнар буенча шәһәрара автобуслар хәрәкәте чикләнгән.

әүләт автоинспекциясе йөк машиналарын йөртүчеләргә трассага чыкмый торырга киңәш итә.

Синоптиклар хәбәре буенча, киләсе тәүлектә Татарстанда юеш кар, көчле буран, юлларда бозлавык булачак.

http://tatar-inform.tatar/news/2018/02/05/157380/