Күлле Кимедә шагыйрьне искә алдылар

4 декабрь К.Киме мәдәният йортында авылдашыбыз Сибгат ага Хәкимнең тууына 105 ел тулу уңаеннан әдәби-музыкаль кичә үткәрелде. Әлфия апа Айдарская үзенең яшь артист егет кызлары белән кичәбезнең олы кунаклары булдылар, дип хәбәр итәләр Күлле Киме мәдәният йорты сайтында. Кичәне Сибгат Хәким исемендәге музей җитәкчесе Луиза апа Шамсиева ача. Аның йөрәкләргә үтеп керерлеклек чыгышы залда утырган барлык тамашачыларның алкышлавы белән тәмамлана. Луиза апа сүзне кунакларга бирә. Аз гына вакыт эчендә күпме матур сүз, күпме моң ишетәләр монда. Кичәне Луиза апа Шәмсиева, хуҗалык җитәкчеләре оештыра. Кыскасы, бик күңелле чара була ул.