Күәм урта мәктәбендә "Карга боткасы" ашадылар

"Анда мин дә булдым. Карга боткасы, тәмле коймактан авыз иттем. Соңыннан милли уеннарны күзәттем", дип яза үз сайтында Күәм авылы мәдәният йорты директоры Фәрит Борһанов. Фотоларны да шуннан ук алдык.

Мәктәптән хәбәр итүләренчә, иртәдән үк 2 сыйныфта укучылар һәр сыйныф саен йөреп, ярма һәм буялган йомыркалар җыеп чыкканнар. Ашханәдә ул ярмалардан "Карга боткасы" пешереп, укучыларны да, укытучыларны да сыйлаганнар. Концерт караганнан соң, урамда милли спорт уеннары - күп торле спорт ярышлары булган.