Корбан чалу тәртибе

Чаласы кеше ният кыла, янәшәдәгеләр тәкбир әйтә. Аннан соң "Әнгам (Терлек)"сүрәсенең бер өлеше (162-163нче аятьләр) укыла: "Әгузу билләһи минәш-шәйтанир-раҗим. Бисмилләһир-рахмәнир-рахим. Куль иннә саләәти үә нүсүкии үә мәхьйәәйә вә мәмәәтии лилләәһи раббил гәәләмиин..." ("Әйт: "Дөреслектә, минем намазым, гыйбадәтем Аллаһыга, яшәвем дә, үлемем дә галәмнәрнең Раббысы ихтыярында, Аңа тиңдәшләр юк").Аннары "Бисмилләһи Әллаһү әкбәр", дип хайван чалына, дога кылына. Өстәмә рәвештә ике рәкәгать нәфел намазы укырга мөмкин.

Итне өчкә бүлү яхшырак санала. Бер өлеше - күршеләргә һәм туганнарга, икенче өлеше - ярлыларга һәм мескеннәргә, ә өченче өлешне чалдырган кешегә калдырырга була.

"Дин һәм Мәгыйшәт" газетасыннан алынды.