Корт рецепты

Кирәкле ингредиентлар: сөт – 5 л, катык яисә кефир – 200 мл, шикәр комы – 150 г.

Эш барышы: Кайнап торган сөткә катык салып, калын төпле кәстрүлдә икесен бергә кайнатабыз. Катык сөтне оетып чыгара, эремчекләндерә. Эремчекне, суы парга әйләнеп беткәнче, акрын утта, төбенә утырмасын өчен, болгата-болгата кайнатабыз. Суы кимеп, эремчек аксыл-саргылт төскә керә башлагач, шикәр комы өстәп, кайнатуны дәвам итәбез. Суы кайнап беткәч, корт әзер була. Икенче савытка бушатып, суытырга куябыз.

Кортны кайбер камыр ашлары (гөбәдия, кабак бәлеше һ. б.) ясаганда кулланырга яки, уртасына атланмай салып, май белән дә ашарга була.

Чыганак: https://intertat.tatar/news/cooking/15-10-2020/kort-retsepty-5776780