Әтнә таңы

Әтнә районы

18+
2024 - Гаилә елы
Җәмгыять

Әтнәдә күпфункцияле үзәк төзелә

Олы Әтнәдә, элекке мәдәният йорты белән янәшә, күпфункцияле үзәк төзиләр. Үзәк нинди эшчәнлек алып барачак? Әлеге үзәктә нинди оешмалар урнаша? Аннан халыкка ни файда?

Бу хакта төзелеш участогы мастеры Алмаз Закиров белән сөйләштек. Мастер:

- Үзәкне "Әтнә МСО" оешмасы төзи. Объект бер катлы гына булачак. Мәйданы - 355 квадрат метр тәшкил итә, дөрес, бүлеп алулар исәбенә эшче мәйдан 340 квадрат метр тирәсенә кала, - дип таныштырды.

Күпфункцияле үзәк төшенчәсен аңлар өчен, дәүләт дәрәҗәсендә фикер йөртеп карыйк. Дәүләти һәм муниципаль хезмәтләр күрсәтүнең тизлеген арттыру, сыйфатын күтәрү җәһәтеннән шундый үзәкләр төзү - иң эффектлы ысулларның берсе дип санала. Башкача итеп әйтсәк, күпфункцияле үзәктә халыкка дәүләт хезмәтләре күрсәтелә. Гомумиләштерсәк, күпфункцияле үзәкнең төп функциясе - документлар кабул итү һәм аларны беренчел эшкәртү, гражданнар һәм юридик затларга консультацияләр бирү. Өстәвенә, кабул итүгә килгән кеше өчен бик уңайлы булачак. Кабул итү җайлаштырыла, "бер тәрәзә" функциясе гамәлгә керә. Ягъни, теге яки бу проблеманы хәл итәр өчен оешмадан оешмага йөрергә кирәк булмый. Билгеләнгән көнне үзәккә генә киләсең. Алдан билгеләнгән көнне оешма белгече кабул итә. Бу уңайдан Олы Әтнә үзәгендә кабул итү бүлмәләре дә, махсус тәрәзәләр дә була.

Шул ук вакытта биредә халык өчен иң кирәк саналган хезмәтләр: Федераль Дәүләт теркәү хезмәтенең Әтнә бүлеге һәм кадастр оешмасы урын алачак.

Стеналарны күтәргәннәр инде. Төзелеш бригадасында 8 кеше эшли. Тагын берәр атнадан үзәкнең түшәмен яба башларга планлаштыралар. "Кайчан ачылыр икән?" - дип кызыксынуыма:

- Җәйгә үк калмас, - дигән җавап алдым.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: төзелеш