Кыш бабай пенсиядән баш тарткан

(Казан, 15 декабрь, «Татар-информ»). Россия Кыш бабае пенсия яше җиткәч бирелә торган айлык түләүләрдән баш тарткан. Бу хакта ул ТАСС агентлыгында үткәрелгән, үзенең Бөек Устюгтан Мәскәүгә килүенә багышланган матбугат конференциясендә хәбәр итте.

«Мин пенсиядән баш тарттым. Бөек Устюгта урнашуга ук, Пенсия фонды вәкилләре килеп, миңа пенсия билеты тапшырырга тырышып карады», - диде Кыш бабай. «Минем әлегә көчем һәм энергиям ташып тора», - дип искәртте ул.

Алдагы планнарына килгәндә, Кыш бабай Россия президентлыгына үз кандидатурасын тәкъдим итәргә җыенмавын әйтте. «Мин Россия Президентының Кыш бабай була алуына ышанмыйм. Шунлыктан, минем вазифа югарырак дип саныйм», - диде ул.

Чыганак: http://tatar-inform.tatar/news/2017/12/15/154347/