Күзләргә дә ял кирәк...

Компьютерда озак вакыт эшләүчеләр өчен күнегүләр

Техасс университеты табиблары компьютер артында озак вакыт эшләүчеләр өчен күзләргә махсус сәламәтлек формуласын тәкъдим итте. Ул «20-20-20» дип атала. Белгечләр кушканча, һәр 20 минут саен, күзләрне ял иттерер өчен, 20 секунд дәвамында якынча 6 метр ераклыктагы предметка карап торырга кирәк. Бу вакытта күзләрне, ким дигәндә, 20 тапкыр йомгалап алырга да онытмагыз, ди алар. Күзләрне ял иттерә торган тагын берничә күнегүне искә төшереп үтик:
- башны бормыйча гына, күзләр белән уңга-сулга, аска-өскә карап алыгыз,
- күзләрегезне түгәрәк буенча башта уң, аннары сул якка йөртегез, бу күнегүне бишәр тапкыр эшләгез,
- күзләр арганчы борын очына карап торыгыз,
Шунысын истә тотыгыз: күнегү ясар алдыннан, күзлек һәм линзаларны салсагыз яхшырак.

интернеттан алынды