“Лада” ике баланы бәрдергән

Әлеге хәл Лениногорск шәһәренең алтынчы мәктәбе янында була. Ярый әле. Куркыныч фаҗига булмый кала. Шулай да мондый фаҗигалар турында искә төшереп торуыбыз уңай нәтиҗә ясамыйча калмас дип өметләнәбез. Чөнки безнең районда да мәктәп янында бик хәтәр. Ниһаять ут куйдылар үзе. Әмма мәктәпкә балаларын илтүче машиналар гаять күп: иртән һәм дәресләр беткәч мәктәп алды машина базарын хәтерләтә. Җәяү йөрергә дә, ул турыдан автомобиль белән узарга да куркыныч.