“Лада Калина” “үлә”– "Әтнә таңы"

"АвтоВАЗ" шушы марка хэтчбек чыгаруны туктатырга булган.

2018 елда "Лада Калина" нигезендә яңа кроссовер дөнья күрәчәк. Автогигант "Калина" исеменнән бөтенләй баш тартачак. Дөрес, аннан баш тарту җайлап башкарыла: башта - 2016 ел ахырында универсал, "Кросс" версияләре "Лада Гранта"га күчә. Тагын 2 елдан хэтчбек та чыгарылмый башлый.

Аны әлегә исеме дә расланмаган яңа модель алыштыра. Исеме булмаса да, 2018 елның җәендә сатуга чыга башлаячагы билгеле. Ә тагын 5 елдан әлеге компакт кроссоверның икенче буыны дөнья күрәчәк.

"Лада Гранта"га әйләнеп кайтсак, 2020 елда ул да яңа буын буларак җитештерелә башлый.