“Лихач” автобус алдыннан үтеп китәргә өлгермәгән

Әтнәдә дә "өлгерәм әле" дип ашыгучылар күп.

Казанда җиңел машина маршрут автобусы алдыннан узып ишегалдына кереп китәргә теләгән. Нәтиҗәсе күңелсез тәмамланган, әлбәттә.

Бу очракта автобус шоферын нишләп туктарга өлгермәдең дип гаепләү урынсыз. Кышкы асфальтта тормоз юлы бермә-бер арта. Аннан соң җиңел машина үзе дә тиз генә кузгалып китәргә өлгерми. Боларны искә алып, "лихач"лык итүдән туктарга кирәк... кыш көне бигрәк тә.

Ә менә inkazan.ru биргән мәгълүматлар буенча Казанның Ершов урамында 91нче автобус белән "внедорожник" нәкъ шул сәбәпле "очрашкан" булырга тиеш. Нәтиҗәдә "внедорожник" автобус белән багана арасына кысылган. Әлегә тикшерү бара.