Өлкәннәр бәйрәм итте

"Без бу көнне көтеп алабыз", - диләр Әтнә дәүләт драма театрында узган бәйрәм кичәсенә килгән өлкәннәр.

• Исәнме кордаш, әйбәт кенә килеп җиттеңме?
• Нихәл хезмәттәш? Кәефләрең ничек?
• Аллага шөкер, быел да күрешергә насыйп булган икән...

Әйе, гомер көзенә җитә алып, балалар һәм оныклар бәхетенә куанып яши алу да бәхет бит. Әнә нинди сөйкемлеләр алар - чәчләренә чал кунса да, йөзгә еллар буразналар салса да. Ә ул көннәрне күрә алмаучылар да байтак. Түбән Шашы авылыннан килгән Мәхмүт абый Хәкимҗанов белән Олы Әтнәдән Кәрам абый Хисмәтуллин да: "Олыгайганыбызга куанып, арабыздан киткән кордашларны барлап утырабыз әле", - диделәр. Ә Шәкәнәч авылыннан килгән Рәфкать абый Әхмәдуллин:

• Клубны карарга, дип килмәдем. Бергә эшләгән иптәшләрне, дусларны күреп булмасы, дидем. "Бер очрашу бер гомер", ди торганнар иде. Хак икән.Елда киләм бәйрәмгә, сәламәт булганда өйдә утырмаска әле исәп, - диде.

Реклама

Кече Әтнәдән Солтангали абый Нәгыймов:

• Узган ел килмәгән идем. Бергә эшләгән хезмәттәшләремне күрәсем килде, - диде.

Олы Әтнә авылында яшәгән Рәмлә апа Гарипова:

• Рәхәтләнеп ял итеп, башны җилләтеп кайтабыз. Күңелле бит. Аякта йөреп торганда, бирегә килеп концерт карап кайтуы да күңелгә рәхәтлек бирә.

Сүзгә Флера апа Фазылҗанова кушылды: "Кибеткә ипи алырга да чыкмыйбыз бит хәзер. Балалар алып кайты. Тагын кайчан күрешәбез дә, шушылай рәхәтләнеп сөйләшеп утырабыз", - диде.

Көн болытлы, карлы яңгырлы булса да, өлкәнәребезнең күңелләре күтәренке, йөзләре шат. Бәйрәм концертында өлкәннәребнең генә чыгыш ясавы да ямь өстенә ямь булды. Шулай итеп, "Балкыш" фестив