Әтнә таңы

Марат Готыф улы Әхмәтов: “Урып-җыю тәмамлану алдында”

Пәнҗешәмбе көнне районга Татарстанның премьер-министр урынбасары, авыл хуҗалыгы министры Марат Готыф улы Әхмәтов килеп китте.

Эшлекле сәфәрнең төп максаты - урып-җыю барышы белән танышу, шулай ук терлекчелек белән бәйле мәсьәләләрне күзаллау булды.

Әтнә районы күген вертолетта әйләнеп - хуҗалыклардагы урып-җыю барышын күзәткәннән соң, министр "Тукай"ның 160 гектарлы, Бәрәскә юлы өстендәге күпьеллык үлән басуына төште. Аны районыбыз башлыгы Габделәхәт Гыйлемхан улы Хәкимов озатып йөрде. Олы кунакны авыл хуҗалыгы идарәсе җитәкчесе һәм белгечләре, хуҗалык рәисләре каршы алды.

Министр каршы алучылар белән исәнләшкәннән соң әйткән сүзләре белән үк, Әтнәдәге урып-җыюның төгәлләнеп килүен, бу хакта сүз куертуның мөһим булмавын ассызыклады.

- Урып-җыю турында сүз кузгатып тормабыз да инде, - диде ул.

Әңгәмә үзеннән-үзе терлекчелек өлкәсенә юл алды, чынлыкта, шушы басудагы люцернага кагылды. Әлеге басудагы люцернадан инде өченче укос алалар. Бәхәссез, безнең район ук бу яктан башкалардан үзгә. Район буенча алсак, "Шахтер" һәм "Тукай" хуҗалыклары аерылып тора, хәер, башкалар да калышмый. Дүртенче тапкыр да чабып алырбыз мөгаен.

Реклама

- Күрәсез, люцерна чәчәк фазасына якынлашты, хәзер туклыклылык ягыннан иң бай вакыты, тиешенчә яңгыр булмау сәбәпле буе гына кыскарак, - дип билгеләде район башлыгы.

Белгечләр әйтүенчә, люцернаның протеины югары - 18 % тәшкил итә. Бу узган елгыдан 2 тапкырга артык. Марат Готыф улы яңа технологияләр нигезендә төзелүче тораклар буенча да сорашты. Бездә монысы да куанычлы - барлык хуҗалыкларда диярлек яңа, заманча тораклар баш калкыта.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: