(Казан, 25 июль, "Татар-информ"). 2017 елның 6- 14 августында, Татарстан Республикасы мәгариф хезмәткәрләренең август киңәшмәсе кысаларында: секция утырышлары; Алабугада - Мәктәп укытучыларының халыкара фестивале; милли мәгариф кураторлары, татар телендә белем бирә торган мәгариф оешмалары җитәкчеләре, Россия Федерациясе төбәкләренең татар теле һәм әдәбияты укытучылары катнашында семинар-киңәшмә уздырыла.
Татарстан Республикасы Мәгариф һәм фән министрлыгы матбугат хезмәте хәбәр иткәнчә, август киңәшмәсенең пленар утырышы Татарстан Республикасы Президенты Рөстәм Миңнеханов катнашында - 2017 елның 15 августында Мөслим район мәдәният йортында уза.
Пленар утырышның темасы - " Татарстан Республикасы мәгариф системасының этно-мәдәни һәм тәрбия бирү мөмкинлекләре".
Нет комментариев