Мәңгәр мәктәбендә ата-аналар җыелышы

Олы Мәңгәр урта мәктәбендә ярты еллык уку нәтиҗәләре буенча ата- аналар җыелышы булып узды. Әлеге җыелышта район балигъ булмаганнар эше буенча комиссия секретаре Найлә Баһаутдинова катнашты. Үзенең чыгышында ул яшүсмерләр арасында хокук бозулар турында сөйләп китте. Интернетның зыяны, яшүсмерләрнең урамда соңга калып йөрүләрен булдырмау кирәклегенә басым ясады, әти-әниләрнең игътибарлырак булуын сорады. Җыелышта мәктәп җитәкчелеге әти-әниләрне чирек йомгаклары белән таныштырды, ГИА һәм ЕГЭ га әзерлек турында сөйләделәр.