Мигалка, каска, бронежилет, автомат… - Әтнәдә ни булган?

Бүген төштән соң, кичке якта район үзәгендә, юл чатларында әнә шулай киенгән, кулларында автоматлар тоткан, башка көннән үзгә булган юл хәрәкәте инспекторларын, патруль машиналарын күргәч, йөрәгегез жу итеп киткәндер. Бигрәк хәвефле. Хәзерге заманда ни уйларга белмәссең шул.

Әллә инде...

Борчылмагыз. "Берни дә булмады, өйрәнүләр, әзерлекне тикшерүнең бер төре иде ул...",- дип тынычландырды район Эчке эшләр бүлегенең ЮХИДИ бүлекчәсе җитәкчесе Рифат Нурмехәмәтов.

Юлларда карап йөрегез, юл хәрәкәте кагыйдәләрен үтәгез, киемнәрегездә яктылык кайтаргыч элементлар булсын. Әзерлек һәркайсыбызга кирәк. Гомер бер генә икәнен онытмагыз. Ә хәвеф-хәтәр адым саен.