Мәктәп җыйнак, җылы...

Җыйнак һәм җылы - бина буларак та, эчке атмосферасы да әнә шундый мәктәптә кунак булдык. Бик күп данлыклы шәхесләр биргән Чишмәле Сап мәктәбендә бүгенге көндә 8 укучы белем ала. 1 һәм 2нче сыйныфларда - икешәр, 3 сыйныфта - 1 һәм 4 сыйныфта 3 бала белем ала..

Биредә Сүрия Гимадиева һәм яшь укытучы Алия Сафина укыта. Пешекче Алия Хәкимова балаларны берсеннән-берсе тәмле ризыклар белән сыйлый.

Балаларның шат авазына караганда, монда укуны бик ярата балалар. Әти-әниләре дә шул ук фикердәдер. Ни дисәң дә йөреп уку түгел. Ә анысының үз кыенлыклары... Ә мәктәп җитәкчесе киләсе елга бер генә бала да укырга керми дисә дә, оптимистик рухта. Заман чире - азбалалык артта калыр, авыл мәктәбенә балалар күпләп киләрләр дип өметләнә