“Мулла” фильмын төшерүне дәвам итәләр

Хәтерләсәгез, "Районыбызда ике атна дәвамында "Мулла" фильмы төшерелә", дип яздык. Фильмны төшерү дәвам ителә. Моның өчен районыбызның төрле урыннары фаайдаланыла. Бер өлеше "Ашыт" сакланышында да төшерелде. Фильмның төп рольләрендә Рамил Фазлыев белән Гүзәл Гафарова уйнаганын беләсез инде. Алардан тыш "Мулла" да Әтнә дәүләт драма театры артистлары Марат Хәбибуллин, Зиннур Һадиев, Фаяз Хөсәенов уйный. "Марат Хәбибуллин - ит сатучы, Фаяз Хөсәенов - Эльбрусның дусты ролендә. Бу ике роль дә спектакльдә юк иде, ә Зиннур Һадиев спектакльдә уйнаган үз ролендә - Эльбрус булып уйный. Монан тыш "массовка" ларда да театрыбызның артистлары катнаша", - дип ачыклык кертте Әтнә дәүләт драма театры директоры Ленур Зәйнуллин.