Әтнә таңы

“Наркотикларсыз тормыш”

Татарстанның премьер-министр урынбасары Юрий Камалтынов җитәкчелегендә республиканың Антинаркотик комиссиясе утырышы узды.

"Наркотикларсыз тормыш" айлыгы кысаларында, видеоконференция буларак үткән чарада Наркоконтроль федераль хезмәтенең Татарстан буенча җитәкчесе Фаяз Шабаев, Җәза үтәтү федераль хезмәте идарәсенең республика җитәкчесе Дәүфит Хамадишин, Татарстанның таможня начальнигы Альберт Мавликов, Татарстан прокуроры урынбасары Сергей Старостин, федераль һәм республика министрлыгы һәм тармак җитәкчеләре бар иде. Киңәшмә эшендә видеконференция режимында Әтнә район башкарма комитеты, яшьләр эше, спорт һәм туризм, мәгариф һәм фән бүлекләре, җирле полиция, техникум вәкилләре дә катнашты.

Утырышта иректән мәхрүм һәм шартлы рәвештә хөкем ителгәннәрнең наркобәйлелеге, андый затларның транспорт белән идарә итүенә каршы чаралар, Татарстанда әлеге айлыкны уздыру үзенчәлекләре турында сөйләделәр.

Реклама

Җәза үтәтү федераль хезмәте идарәсенең республика җитәкчесе урынбасары Наркоконтроль хезмәте һәм Эчке эшләр министрлыгы белән тыгыз элемтәдә булуларын ассызыклады. Бу уңайдан җәза үтәтү учреждениеләренә наркотик матдәләр кертүгә каршы 16 уртак операция уздырганнар, 30 җинаять эше ачылган. Төрмәләрдә наркоманлык белән авыртучы 624 кеше учетта тора, бу алдагы елдан 223кә аз. Аларның күбесенә 31-40 яшь. Араларында ВИЧ-инфекция, туберкулез чирләрен йөртүчеләр күп. 5 иректән мәхрүм ителүчегә карата махсус маддә кулланылган: үзләре теләсәләр, җәза кичектерелергә мөмкин. Реабилитация уңышлы булса, суд хөкем ителүчене җәзадан азат итәргә дә мөмкин.

Татарстанның ЮХИДИ җитәкчесе урынбасары Мәсхүт Мифтахов доклады игътибарга лаек. Әйтүенчә, автотранспорт йөртүчеләр арасында наркотиклар кулланучыларны вакытында ачыклау бик мөһим. Узган ел дәвамында 149 алкоголь яки наркотик исереклек халәтендә автотранспорт йөртүче ачыкланган. Исерек йөртүчеләр аркасында 437 юл-транспорт һәлакәте чыгып, 97 кеше вафат булган. Бу чорда наркотик кулланып исерек хәлдә булган 95 йөртүчегә каршы административ эшләр ачылган. 2013 елны наркотик матдәләрнең законсыз әйләнеше белән бәйле 41 җинаять ачыкланган...

Наркоконтроль федераль хезмәте идарәсенең Татарстан буенча җитәкчесе урынбасары Эдуард Гәрәев 20 майдан 20 июньгә кадәр узачак "Наркотикларсыз тормыш" айлыгы хакында сөйләде. Ул Халыкара наркотиклар куллану белән көрәш һәм аларның законсыз әйләнеше көненә багышлана. Узган елгы акция һәм узган чараларны искә алды. Төбәктә расланган чаралар планы турында сөйләде. Нәкъ шундый ук планнар муниципаль районнар дәрәҗәсендә дә расланган. Аларны үткәрүне район башлыкларының үз контрольләренә алуларын сорады.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: