Ни пычагыма соң ул газета?..

Әтнә районында булган чираттагы сәфәребездә Күңгәр җирлегенә кергән авыл кешеләре белән очрашып сөйләштек. Монда эшлим дигән кешегә эш тә бар, авылда яшь гаиләләр дә күп. Зарланмыйлар. Ә менә газета-журналларга язылып та, аларны вакытында укый алмаганнарына бик үпкәлиләр.

- Быелга кадәр 12 төрле басма алдыра идек. Узган ел хат ташучыбыз эштән киткәч, авылда проблема башланды. Газета таратучы булмады. Арчадан килеп, атнага бер тапкыр таратып китәләр.Үз авы­лың кешесе булмагач, килгән-киткән кеше подписка өчен кайгыртып тормый икән ул. Ул кергәндә, без өйдә туры килмәдек, безгә ки­рәктә, ул юк иде. Шулай итеп, без "Ватаным Татарстан" бе­лән "Халкым минем"­гә генә язылып калдык. "ВТ"ны атнага бер китерсәләр дә, "Халкым минем" газетасын укып караган юк әле. Почта безне шулай итеп газеталардан аера, - дип сөйләде Суфия ханым. Мондый хәлгә таручылар бер ул гына булып чыкмады.

- Без район газетасына язылган идек. Ул пән­җе­шәмбе көнне басыла. Әмма хат ташучы аны авылга икенче атнаның җомгасында гына алып килә. Бер атнадан артык вакыт узгач, ни пычагыма соң ул газета? Атналык радио-телевидение программасын да куллана алмыйбыз бит. Авылыбызда яшәүче берәр кеше хат ташучы булса, мондый хәлләр кимер иде. Арчадан килүче кешеләрнең төп эше булмаганга, безгә газеталар соң таратыла. Күп яңа­лыклар искереп бетә, - ди Нурсөя әби.

Җыелган халык арасында элеккеге хат ташучы да бар иде.

Реклама

- Мин эшемнән акча аз булганга китәргә мәҗбүр булдым. 7 мең сум хезмәт хакы ала идем. Бервакыт Казанда укучы балама белешмә кирәк булды. Янәсе, ул минем карамагымда яши, дигән язу сорадылар. Әмма аның алган стипендиясен исәпләгәч, кире­сенчә, мин бала карамагында булып калдым. Үз балама ярдәм дә итә алмыйм икән бит мин. Ә күпме вакыт сарыф иттем. Көн дә авылны әйләнеп чыга идем. Утка-суга, газга да акча җыйдым. Бервакыт бу хезмәтләр өчен, аз булса да, түли башлаганнар иде, әмма соңын­нан бетерделәр. Аяклар да авырта хәзер. Хез­мәтеңә тиешле акча түлә­мәгәч, эшлисе килми шул, - ди Нәзирә апа.

Өйләренә кереп түләү­ләрен җыючы булмагач, авыл халкын компьютер артына утыртырга булганнар. Күбе­сен дәүләт хезмәтләре порталы аша түләргә өйрә­теп маташканнар. Әмма өл­кән­нәр янә­шәсендә яшьләр булмаса, бу эшне башкару кыен, диләр. Шунлыктан түләү өчен районга барырга кирәк. "Кайчак өлгер­мибез, айныкы айга күчми кала. Андый чакта пенсия белән килә торган субсидия акчасын бирми­ләр", - ди авыл халкы.

Нурсөя апа Галиева да газетабызның якын дусты булып чыкты. "Барлык язмаларны укып барабыз. Бер үте­нечебез бар: хат ташучыбызны кире кайтарырга иде. Бераз хезмәт хакларын арттырсалар, эшли иде бит ул", - ди.
Газетаны вакытында ки­тер­миләр, диючеләр бер Әтнәдә генә түгел. Әле Әлки районыннан да бер абзый шалтыратып үземне сүгеп ташлады. "Башыңны эшләт"­не атна саен дөрес итеп чи­шәм...

Тулысы белән укы: http://vatantat.ru/index.php?pg=335