Олы Әтнә авылында яшәүче кадерлебез Касыймов Раил Гани улының 10 февраль көнне 50 яшьлек юбилее.

Кадерлебез! Сине ихлас күңелдән 50 яшьлек юбилеең белән тәбрик итәбез. Олы йөрәкле, киң күңелле, һәркемгә ярдәмчел, сабыр холыклы, нинди генә хәлләрдә дә өмет кояшын сүндермичә яши белүче һәрвакыт таяныч булырдай кайгыртучан кадерле әтиебез. Сиңа булган рәхмәтләребезне, күңелдәге теләкләрне сүз белән генә әйтеп бетерергә мөмкин түгел. Син безнең таяныч та, ышаныч та, яклаучыбыз да, саклаучыбыз да. Сине бәйрәмең белән котлап исәнлек-саулык, тән сихәте, кайгы-хәсрәтсез көннәр телибез. Балаларыңның игелеген күреп, оныклар рәхәтен тоеп, әни белән тигезлектә яшәргә язсын.

Илле яшь - ул аз әле!

Алда әле күпме шатлык

Күпме бәхет, наз әле!

Гомернең бу мизгеле -

Туктап бер җырлап алу,

Киләчәккә юл салу.

Иң изге теләкләр белән: әбиең, тормыш иптәшең

Рәзилә, кызың Алинә, киявең Рушан, улың Илназ,

оныкларың Данияр, Самир.