Олы Әтнәдә асфальт җәяләр

Аллага шөкер, Олы Әтнә авылы урамнары әлегә зарланырлык түгел. Әле бер, әле икенче урамны план нигезендә, я булмаса дәүләт программасы кысаларында төзекләндереп, асфальт җәеп торалар.

Менә атнадан артык инде Олы Әтнә - Арча юлының 2,5 км арасы асфальтлана. "Монда нинди техника икән моның кадәр,бигрәк күп", дип карап йөрисездер. "ОАО "Татавтодор"ның Арча участогы техникалары эшли бездә, безнекеләр дә бар. Бөтенесе бергә берьюлы эшләгәч, күп булып күренәдер. Төзекләндерү эшләре дәүләт планы буенча башкарыла", - ди ОАО "Татавтодор"ның Арча филиалы Әтнә участогы җитәкчесе Зөлфәт Нур улы Хәмитов.