"Медицина полисларының яңа бирелгәннәре белән беррәттән, элеккеләре дә гамәлдә". "Ак Барс Мед" оешмасының Татарстан буенча җитәкчесе Рәшит Абдуллин район үзәк больницасында узган очрашуда әнә шулай диде. Очрашуда район үзәк больницасының баш табибы Азат Гарипов һәмурынбасары Дамир Закиров, 26нчы үзәк даруханә мөдире Гүзәл Җаппарова, җирле "Ак Барс Мед" җитәкчесе Гөлнара Борһанова,...
"Медицина полисларының яңа бирелгәннәре белән беррәттән, элеккеләре дә гамәлдә".
"Ак Барс Мед" оешмасының Татарстан буенча җитәкчесе Рәшит Абдуллин район үзәк больницасында узган очрашуда әнә шулай диде. Очрашуда район үзәк больницасының баш табибы Азат Гарипов һәмурынбасары Дамир Закиров, 26нчы үзәк даруханә мөдире Гүзәл Җаппарова, җирле "Ак Барс Мед" җитәкчесе Гөлнара Борһанова, район ветераннар советы рәисе Мингазиз Зиннәтов, больницада ятучы сырхаулар, шулай ук махсус килүчеләр катнашты. Биредә яңа медицина полисы алу, полис алучыларның хокукларын яклау, больницада дәвалау һәм табиблар эшчәнлеге буенча фикер алыштылар.
Баш табиб кунакны больница эшчәнлеге, район сәламәтлек саклау өлкәсендәге үзгәрешләр һәм яңалыклар белән таныштырып үтте. Ә газетаны һәрдаим укучыларэшкә килгән табиблар, яңа төзелгән ФАПлар белән хәбәрдар дип уйлыйм. Аның чыгышындагы кайбер саннар бик мөһим тоелды. "Быел диспансерлаштыру уздырган 1829 кешенең 423е - авыру. 81 процентында йөрәк-кан тамыры авыртулары, 14 процентында - эндокринология. Соңгысында төп өлешне симерү алып тора. Ә йөрәк-кан тамыры авыртуының төп сәбәпләре: беренчедән, ашаган ризыгыбыз натураль түгел. Икенчедән, кешегә физик активлык - хәрәкәт җитми. Болардан соңгы урыннарда, сулыш алу һәм азык кайнату органнары һәм 1,7 процент күрсәткеч белән онкология урнашкан. Авырып вафат булучылар арасында да йөрәк-кан тамыры авыртулары алда бара. Ә онкология авыртуы сәбәпле дөнья куючылар икенче урында".
Казан кунагы медицина полисын яңарту яңалыклары белән таныштырды. Алдагы 2 ел эчендә тулысынча яңа полиска күчәбез. Ә ул ике этапта бирелә. Килеп гариза язгач, вакытлыча дигәнен биреп кайтаралар. Бер ай чамасы узгач, бөтен Россиядә кулланыла торган бердәм полис бирәләр. Теләүчеләр Әтнә вәкиллегенә электрон гариза яза алалар. Бу очракта полис алырга килгәч, озак торасы булмый. Чөнки инде паспорт мәгълүматлары бирәсе юк. Теләгәндә, телефон аша да хәл итәргә мөмкин. Шалтырату бушлай, телефоны буклетта бирелгән.
Ә инде полис белән бәйле проблема килеп туса, әйтик, больницадан "Полисыгыз гамәлдә түгел", дип, кире борырга уйласалар, шул ук телефон буенча шалтырату мөмкин. Шунысы кызык, монда теләүчеләрне иминиятләргә дә мөмкиннәр. Уңайлы, чөнки инде мәгълүматлар биреп торасы юк. Ә Татарстан халкының 90 проценты "Ак Барс Мед" компаниясен сайлаган.
Иң мөһим һәм кызыклы язмаларны Татмедиа Telegram-каналында укыгыз
