Россиядә эшсезлек дәрәҗәсе узган елгы күрсәткеч белән тигез, әмма халыкның реаль кереме сизелерлек ким. Бу хакта Россия Премьер-министры Дмитрий Медведев белдергән. Шул ук вакытта илнең икътисади хәле дә мактанырлык түгел. "Халык акчаны азрак тота башлады, ә бу икътисадка килеп тоташа", - ди Премьер-министр. Шулай да сәнәгатьнең аерым тармакларында үсеш күзәтелә.

Ә федераль министр Максим Топилин сүзләренә караганда, 2018 ел ахырына реаль керемнәребез кризиска кадәрге дәрәҗәгә җитәчәк икән. "Известия" шулай дип хәбәр итә.